కొబ్బరి చిప్పలతో పాములకు చెక్.. ఇంటి దగ్గరకు రాకుండా ఇలా చేయండి
ఎండాకాలం ప్రారంభమైతే పాములు చల్లని ప్రదేశాల కోసం జనావాసాల్లోకి రావడం సాధారణంగా కనిపిస్తుంది. ముఖ్యంగా తోటలు, మురుగు కాలువలు, ఖాళీ ప్రదేశాలు ఉన్న ఇళ్ల వద్ద పాముల సంచారం ఎక్కువగా ఉండే అవకాశం ఉంటుంది. అయితే ఇంటి పరిసరాల్లోనే దొరికే ఒక సాధారణ వస్తువుతో పాములను దూరంగా ఉంచవచ్చని పలువురు సూచిస్తున్నారు. అదే కొబ్బరి చిప్ప.
కొబ్బరి చిప్పల నుంచి వచ్చే ప్రత్యేకమైన వాసన పాములకు అసౌకర్యంగా అనిపిస్తుందని చెబుతున్నారు. ఈ కారణంగా పాములు ఆ ప్రాంతాలకు రావడం తగ్గుతుందని అంటున్నారు. ఇందుకోసం ముందుగా ఎండిన కొబ్బరి చిప్పలను తీసుకుని పెద్ద ముక్కలుగా కోయాలి.
ఆ ముక్కలను ఇంటి ప్రధాన ద్వారం దగ్గర, గేటు మూలల్లో, కిటికీల వెలుపల, తోట దారుల్లో లేదా పాములు వచ్చే అవకాశం ఉన్న ప్రదేశాల్లో ఉంచాలి. ప్రతి వారం లేదా పది రోజులకు ఒకసారి వాటిని మార్చడం మంచిదని సూచిస్తున్నారు.
కొంతమంది గ్రామీణ ప్రాంతాల్లో కొబ్బరి చిప్పలను సాయంత్రం వేళ కాల్చి వచ్చే పొగతో కూడా పాములను దూరంగా ఉంచుతుంటారు. అయితే అగ్ని ప్రమాదాలు జరగకుండా జాగ్రత్తలు తీసుకోవాలని నిపుణులు హెచ్చరిస్తున్నారు.
ఇది కేవలం ఒక సహజ నివారణ పద్ధతి మాత్రమేనని, ఒకవేళ పాము ఇంట్లో కనిపిస్తే స్వయంగా పట్టుకునే ప్రయత్నం చేయకుండా వెంటనే స్నేక్ క్యాచర్లు లేదా అటవీశాఖ అధికారులకు సమాచారం ఇవ్వాలని సూచిస్తున్నారు.
