తిరుపతి పోలీస్ శాఖలో పారదర్శక బదిలీలు.. కానిస్టేబుల్ నుంచి ఏఎస్ఐ వరకు కౌన్సెలింగ్ నిర్వహించిన ఎస్పీ
తిరుపతి జిల్లా పోలీస్ శాఖలో పారదర్శకతకు ప్రాధాన్యం ఇస్తూ కానిస్టేబుల్ నుంచి ఏఎస్ఐ స్థాయి వరకు సాధారణ బదిలీల కౌన్సెలింగ్ను జిల్లా ఎస్పీ శ్రీ ఎల్. సుబ్బరాయుడు, ఐపీఎస్., నిర్వహించారు. ఎస్పీ కార్యాలయం కాన్ఫరెన్స్ హాల్లో జరిగిన ఈ కార్యక్రమంలో జిల్లా వ్యాప్తంగా ఉన్న పోలీస్ సిబ్బంది పాల్గొన్నారు.
ఈ సందర్భంగా ప్రతి పోలీస్ సిబ్బందితో జిల్లా ఎస్పీ వ్యక్తిగతంగా మాట్లాడి వారి కుటుంబ పరిస్థితులు, విధుల అనుభవం, వ్యక్తిగత సమస్యలు, పోస్టింగ్ ఆప్షన్లు తెలుసుకున్నారు. అనంతరం పూర్తిస్థాయి పారదర్శకతతో బదిలీలు నిర్వహించారు.
ఎలాంటి రాజకీయ ఒత్తిళ్లు, సిఫార్సులు లేదా పక్షపాతం లేకుండా న్యాయంగా బదిలీలు చేపట్టడంతో పోలీస్ సిబ్బంది ఆనందం వ్యక్తం చేశారు. కౌన్సెలింగ్ విధానంలో పోస్టింగ్లు ఇవ్వడం పట్ల పలువురు సిబ్బంది జిల్లా ఎస్పీకి కృతజ్ఞతలు తెలిపారు.
ఈ సందర్భంగా ఎస్పీ శ్రీ ఎల్. సుబ్బరాయుడు మాట్లాడుతూ, పోలీస్ శాఖ బలోపేతానికి సిబ్బంది సంతృప్తి అత్యంత ముఖ్యమని అన్నారు. విధుల్లో నిబద్ధతతో పనిచేసే ప్రతి ఒక్కరికీ న్యాయం జరిగేలా చర్యలు తీసుకుంటామని స్పష్టం చేశారు.
పారదర్శకత, క్రమశిక్షణ, పనితీరుకే ప్రాధాన్యం ఇస్తామని, సిబ్బంది సంక్షేమం విషయంలో ఎలాంటి రాజీ ఉండదని తెలిపారు. ప్రజలకు మెరుగైన సేవలు అందించాలంటే ముందుగా పోలీస్ సిబ్బందిలో నమ్మకం, ఉత్సాహం పెరగాలని చెప్పారు.
కొత్తగా బదిలీ అయిన ప్రాంతాల్లో కూడా ప్రజలకు మరింత సమర్థవంతమైన పోలీసింగ్ అందించాలని, శాఖ ప్రతిష్టను పెంచేలా కర్తవ్య నిర్వహణ చేయాలని జిల్లా ఎస్పీ సూచించారు.
తిరుపతి జిల్లా పోలీస్ శాఖ తీసుకున్న ఈ పారదర్శక నిర్ణయం సిబ్బందిలో సానుకూల వాతావరణాన్ని తీసుకొచ్చిందని అధికారులు అభిప్రాయపడుతున్నారు.
ఈ కార్యక్రమంలో అదనపు ఎస్పీలు శ్రీ వెంకట్రావు (పరిపాలన), శ్రీ శ్రీనివాస్ (క్రైమ్స్), శ్రీమతి శ్రీలత (మహిళా పోలీస్ స్టేషన్), శ్రీమతి గీతా కుమారి (ఎస్బీ), ఏవో సురేష్బాబు తదితరులు పాల్గొన్నారు.
