ఇన్స్టాగ్రామ్లో BJPకే షాక్ ఇచ్చిన Cockroach Janta Party.. రోజుల్లోనే 13.5 మిలియన్ ఫాలోవర్స్!
దేశ రాజకీయాల్లో ఇప్పుడు సోషల్ మీడియా వేదికగా కొత్త చర్చ మొదలైంది. Cockroach Janta Party (CJP) అనే వ్యంగ్యాత్మక సోషల్ మీడియా ఉద్యమం కేవలం కొన్ని రోజుల్లోనే ఇన్స్టాగ్రామ్లో భారీ స్థాయిలో ఫాలోవర్స్ సంపాదించి దేశవ్యాప్తంగా హాట్ టాపిక్గా మారింది.
తాజా సమాచారం ప్రకారం CJP ఇన్స్టాగ్రామ్ ఖాతా 13.5 మిలియన్ ఫాలోవర్స్ను దాటగా, BJP అధికారిక ఇన్స్టాగ్రామ్ ఖాతా ఫాలోవర్స్ సంఖ్యను కూడా అధిగమించింది. దీంతో సోషల్ మీడియాలో ఈ ఉద్యమం చుట్టూ పెద్ద ఎత్తున చర్చ నడుస్తోంది.
ఈ Cockroach Janta Partyని Abhijeet Dipke ప్రారంభించారు. యువత సమస్యలు, నిరుద్యోగం, పరీక్షల లీకులు, రాజకీయ వ్యవస్థపై వ్యంగ్య పోస్టులు, మీమ్స్, రీల్స్ రూపంలో కంటెంట్ ప్రచారం చేస్తూ ఈ పేజీ భారీ స్థాయిలో వైరల్ అయింది. “Youth కోసం Youth చేత నిర్మించిన వేదిక” అంటూ ఈ ఉద్యమం సోషల్ మీడియాలో ప్రచారం పొందుతోంది.
కేవలం నాలుగు నుంచి ఐదు రోజుల్లోనే లక్షల నుంచి కోట్ల ఫాలోవర్స్ దిశగా దూసుకెళ్లడం రాజకీయ వర్గాల్లో కూడా చర్చనీయాంశమైంది. ముఖ్యంగా Gen Z యువత ఈ పేజీకి పెద్ద ఎత్తున కనెక్ట్ అవుతున్నట్లు సోషల్ మీడియా ట్రెండ్స్ చెబుతున్నాయి.
ఇదే సమయంలో Cockroach Janta Party అధికారిక X (Twitter) ఖాతా భారత్లో నిలిపివేయబడినట్లు సమాచారం వెలుగులోకి వచ్చింది. ఈ విషయాన్ని వ్యవస్థాపకుడు Abhijeet Dipke స్వయంగా సోషల్ మీడియాలో వెల్లడించారు. ఖాతా నిలిపివేతపై సోషల్ మీడియాలో మిశ్రమ స్పందనలు కనిపిస్తున్నాయి.
మరోవైపు ప్రముఖ యూట్యూబర్లు, సోషల్ మీడియా ఇన్ఫ్లూయెన్సర్లు, కొన్ని రాజకీయ నేతలు కూడా CJP గురించి పోస్టులు చేయడం ఈ ఉద్యమానికి మరింత హైప్ తీసుకొచ్చింది. రాజకీయ పార్టీలు సంవత్సరాలుగా నిర్మించుకున్న డిజిటల్ బలం మధ్యలో, కేవలం మీమ్స్ మరియు వ్యంగ్య ప్రచారంతో భారీ ఫాలోయింగ్ సంపాదించడం ఇప్పుడు దేశవ్యాప్తంగా చర్చకు దారితీస్తోంది.
